圖片版權 : 1858Wine.com ©2018

藍底銀邊白字 —「睇過一次包你記得」就是Wirra Wirra的Logo，紮根在南澳洲Adelaide (阿德雷德)及其下方的的McLaren Vale (麥拿倫谷)。駕車由Adelaide市中心出發往McLaren Vale約一小時，沿途風景莊麗，在下坡其間看著整條地平線慢慢展現眼前，感覺奇妙。

McLaren Vale產區內酒莊大多以Dry-Growing (不作灌溉葡萄藤)方式讓葡萄藤自然生長; 除了氣候太乾旱，釀酒師會利用含豐富礦物質的地下水作灌溉以維持葡萄藤正常生長。

於巴黎人酒店內的「千喜膳」的門口拍攝。 圖片版權 : 1858Wine.com ©2018

甫踏進「千喜膳」內，即看見富有日本特式的園境模型。 圖片版權 : 1858Wine.com ©2018

「但係今晚我地係玩日本菜」

寫呢篇野嘅時候，小編已身處澳門巴黎人酒店內的「千喜膳」，親戚們係度商量緊究竟叫咩好。原先諗住食中菜帶Wirra Wirra Church Block穩打穩紮，點知親戚們臨時改食日本餐。早啲改仲可以帶支Hahndorf Hill Gruner Veltliner襯下魚生刺身，依家冇辦法啦，頂硬上啦!

◎ 點解魚生壽司咁難襯紅酒?

魚油會跟紅酒中的鐵質產生化應，黏在食用者口腔內令魚腥味及金屬味突出，影響飲食體驗。

澳門巴黎人酒店內商場，人流不算太多 (約於當晚7時拍攝)。 圖片版權 : 1858Wine.com ©2018

可能年幾前，巴黎人酒店曾經爆發「退伍軍人症」，係巴黎人內的人流係少之有少，仲舒服過行圓方。日式餐廳「千喜膳」開瓶費只係港幣200蚊，遊客區算抵玩啦!

唔好奇怪點解用膠酒杯! 佢就係頂頂大名的GOVINO，BPA-Free的。抗壓、耐撞同輕便都係佢嘅優點。圖片版權 : 1858Wine.com ©2018

一倒落杯隔成呎都聞到 ，Pronounced (香氣強度:高)，一大陣Rapsberry (覆盆子)、Cassis (黑加侖子)、Blueberry (藍莓)、Plum (布冧)、Candy (紅糖)、Cedar (雪松)、Bay Leaf (月桂葉)及Oak (木桶)氣味。

望落去呈深的寶石紅色; 入口都算Dry (乾型-糖份較低)、Body (酒體)唔算好勁 (Medium)、Acidity (酸度)都係一般、Tannin (丹寧)感覺好細緻 (細細粒唔刮口)，酒精感不算突出但照數字睇都有14.5%。Cassis停留在口腔時間都幾長而Finish (餘韻)就展現多啲Cedar。

官方數據: 10年Ageing Potential (陳年能力); 個人意見: Keep得好的話，去到15年都仲得。

「千喜膳」晚市拉麵餐價格約為港幣80-120元，抵食! 獨特的風土條件造就McLaren Vale的紅白酒以簡潔的新鮮果味、中度酸度及酒體為主，討好亞洲人口味，配菜輕而易舉。 圖片版權 : 1858Wine.com ©2018

點解叫Church Block? 唔通同教堂有關

Church Block是Greg Trott在1972年使用Wirra Wirra品牌而命名的首款紅葡萄酒。取名自原來的葡萄園，該葡萄園位於Wirra Wirra世紀老鐵礦酒窖旁邊的小教堂Bethany (Est 1854)。經過四十多年，Wirra Wirra的Church Block酒已成為澳洲最愛的紅酒之一。

Fusion壽司: 巴馬火腿包著壽司，頂端加上一些鱘魚子醬作點綴。 圖片版權 : 1858Wine.com ©2018

圖文不乎! 掛住食唔記得影相...... 

「鐵板美國牛肉蒜片卷」 — 五成熟，相當有意思。這份鐵板的美國牛肉味道較淡，而且油份較少，容易令人再添食，與之前的牛舌是相同類型食材但跟Church Block配合的效果完全不同。肉味更淡反而令Cabernet Sauvignon帶出的Cassis (黑加侖子)味更強勁，「變左粒黑加侖子糖」。

色香味俱全的燒蒜片牛舌，能否與Wirra Wirra Church Block擦出火花? 圖片版權 : 1858Wine.com ©2018

「頓時東洋風轉吹西洋風」

「燒蒜片牛舌」 — 頗軟，熟透度剛剛好，質量挺高。一口牛舌連蒜片咬下再喝一口Wirra Wirra Church Block紅酒，由Cabernet Sauvignon (赤霞珠)生成的Cedar (雪松)味變得更加突出，Shiraz及Merlot帶出的果香更為牛舌增添一點色彩。